په استانبول کې د افغان سولې څلور اړخیزه غونډه پيل شوې ده

په استانبول کې د افغان سولې څلور اړخیزه غونډه پيل شوې ده

د ترکيې په استانبول ښار کې د افغان سولې په اړه څلور اړخيزه غونډه، پرون پيل شوې ده. د يادې غونډې يوه ګډونوال پژواک خبري اژانس ته ويلي، چې دا غونډه پرون پيل او تر درېيو ورځو پورې به دوام ولري. يادې سرچينې ویلي، چې دا ناسته د ترکيې د حکومت په همکارۍ جوړه شوې ده. د يادې غونډې دغه ګډونوال وايي، په دې ناسته کې د طالبانو د قطر دفتر، د ملا محمد رسول ډلې، د افغان حکومت او د حزب اسلامي استازو برخه اخيستې ده. د سرچينې د معلوماتو له مخې، د طالبانو له خوا رحمت الله وردګ، د ملا رسول ډلې له خوا ملا رووف او عبدالحليم، له حزب اسلامي افغانستان څخه حاجي دواجان احمدزی او همايون جرير او د سولې شورا د رئيس کريم خليلي استازی ډاکټر بصير په دې ناسته کې برخه لري. دا غونډه په داسې وخت کې ترسره کېږي چې د راپورونو له مخې، د ترکيې دولت طالبانو ته د سياسي دفتر د خلاصولو وړانديز هم کړى دى. د افغانستان د سولې د عالي شورا يوې سرچينې هم ومنله، چې په ترکيه کې دا ډول يوه ناسته پرون پيل شوې ده،خو نور جزئيات يې ورنه کړل.

Read 44 times

څپې او وختونه

راسره ملګري شئ

د سپوږمۍ راډیو اپلیکشن

Spogmai App   Spogmai App