د ملګرو ملتونو د امنیت شورا یو پلاوی پرون کابل ته راغلی

د ملګرو ملتونو د امنیت شورا یو پلاوی پرون کابل ته راغلی Featured

د ملګرو ملتونو د امنیت شورا یو لوړ پوړی پلاوی په یوه رسمي سفر افغانستان ته راغلی. یوې حکومتي سرچینې ویلي، چې دا پلاوی پرون تر غرمې وروسته کابل ته رسیدلی دی. سرچینې زیاته کړه، چې راغلی پلاوی به ولسمشر اشرف غني، اجراییه رییس ډاکټر عبدالله عبدالله ، د ملي شورا غړو، سیاسیونو او د ښځوله استازو سره ګوري. د سرچینې په وینا، په دې وروستیو کې دامنیت شورا اندیښنې زیاتې شوې وې او اوس هغوی غواړي چې دافغانستان حالات له نږدې څخه و څیړي. د امنیت شورا دا پلاوی په داسې حال کابل ته راغلی، چې څو ورځې مخکې دامریکا دملي امنیت سلاکار مک ماسټر په نیویارک کې د امنیت شورا ۱۵ غړو ته دافغانستان دحالات او د ترهګرۍ پر وړاندې د پاکستان د ناسمې همکارۍ په اړه معلومات ورکړي وو. د امنیت شورا دوره يي رییس د قزاقستان سفير څو ورځې مخکې افغانستان ته د دې پلاوي د سفر خبر ورکړی و.

 

Read 43 times

څپې او وختونه

راسره ملګري شئ

د سپوږمۍ راډیو اپلیکشن

Spogmai App   Spogmai App